Monday, May 01, 2006

حكايات بني الاهبل

من دون ما نذم او نشتم .. ومش هنغيب في اللي مش موجود .. ومش حنجيب في اسراره .. هنعرض شو بسيط معروض في الدنيا وانتوا تختاروا
فيه ناس غريبه .. في دنيا مش دنيا .. في بلاد بعيده البعد بالاميال .. هنجيب حياتهم في عرض بالثانيه .. ونقول كلام عمره ما ينقال
المكان : وادي بعيد مجهول
الزمان : بكرة .. او امبارح .. او زي ما انت تقول
اما الشخوص : فهي كتيره .. ومتباينه .. ومش باينه .. بس اللي هنشوفه لازم نقول علي طول
في البدايه كلامنا يبدأ بعد الصلا ع الزين ... احلي الكلام راح يبتدي بعد الصلاه ع الزين . رسولنا نادي والندى طاهر
واقول كلامي في السر .. واجاهر .. واقول كلامي ولا اختشي .. ما اللي اختشوا ماتو
رسولنا عالي في السما .. واللي يقول علي نفسه عالي .. هقوله مد ايدك في السما هاتو
عن بن هشان .. عن ابن البطة والوزة .. عن ابن العنجة والمعزة عن ابن خروف .. انه حدثنا عن وطن مهفوف .. يقال له بني الاهبل وانه شاخ عليه الزمان وانه بستهبل .. وانه من امره ما كان وهذا هو الامر يا اخوان
فـي بلاد بني الاهـبـــل
تلقي الحكاية عــجــب
ســلــطــان يـستـهـبــل
وناس ماليهـا الطـرب
عـمـّالــة بــتـطــبــــــل
علـي حـاجـة قـلة ادب
والــدنـيــا بــتــحـسـبن
لا حــول .. لا قــوة
هناك بتلقـي النـاس
اخر عبط في جنـان
في عزلة م العالــم
سجن وبلا سـجــان
مسجونة افكارهــم
حيتهم كما بتـنجـان
سودا سواد غـامق
حيــات بــلا الـوان
فيـهـم مـلـك جـبـار
يقال له الغطـريــف
يعشق نكت وهزار
وفاكر انه ظريـــف
ووزيره جن وفــار
داهية انما حريــف
جيشه من الشطـار
وادي اللي كان يما كان
في ليلة قال الملـــك
للـوزيــر مـيـــــــاس
مش صح انا بامتلـك
عقل وقلوب النــــاس ؟
قام الوزير ارتبــــــك
وواضح انه احتــاس
لكنه خدع الملــــــــك
والفاس وقع في الراس
قـام الـمـلـك فـرحان
بـيـغـنـي يــا حــلـيله
قـال للـوزيــر مياس
اجـمــع هـنـــا الليله
مـن كــل فـــرد جنيه
دلـيــل عــلــــي حبي
والـلــي ما يدفع ليك
اكـيــد بـيــكــرهـنــي
ومـش راح اقول يا وزير
ايــه تـهـمــة الخــــايــــن
وزيـــري يـــا ابــو التدبير
انـــزل قــــوام عــــايـــــن
اســمـــع مــن العــصافير
كــلام يــكـــون بـــايــــــن
وارجـــــعـــلـــي بــالاخبار
عــايــــزك تــــفـــرحــنــي
نـــادي الــــوزيــــر زعـق
خــلــي الــملـــــــك اتخض
الـــدنــيـــا دي مــــولـــــــد
واللـــيـــلــــــه راح يتفض
عـــــارف هــيــعــمـــل ايه
مــــا كـانــش عـــايـــز رد
نــــزل وخــــد وجـــــــهته
والـــــراجـــــــل اللي يصد
نــــزل قــــوام ع الــبـلــــد
مــاســـك فــي ايده السوط
مـــا خـــلــّي بــنــت ولـــــد
إلا ورقـــــع بــالصـــــــوت
قــــال الـجـمــيــــع يا صمد
فـيـــن عـــزرائـيـل بالموت
يــارتـــــنا لــــــم نــتــولــد
يــــا رتـــنا كـــنا مـــا فيش
الي بقية في عدد اخر

9 Comments:

Blogger admelmasry said...

هههههههههههههههه


الي كاتب الكلام ده سياتك هو المتواضع جدا لله
انا

ادم المصري

اما بالنسبة للمكتوب فده عبارة عن جرء ضئيل جدا جدا من عمل انوي بصراحة ان اتمه وليعينني الله في ذلك


اهدف من خلاله لعمل سيرة .. لا استطيع ان اقول انها سيرة شعبية .. ولكن هي عمل ضخم لا محالة

سوف اصف فيه وطن مخبول يقال له بني الاهبل

وسوف استعرض لكم ما اراه في هذا الوطن المخبول

انا مش عارف ليه ما فمتيش مع ان في كلامي كان واضح جدا


انصحك تقريها تاني ... اتمني ان احظي بمتابعتك .. وشكرا

5:24 AM  
Blogger zordeak said...

أنت فعلا شاعر موهوب .., الموهبة فى انك بتعبر بكلام بسيييط أوى عن حاجات كبيرة أوى .., انا استمتعت جدا وانا بقرى كلماتك البسيطة المعبرة .., ولو زى مبتقوول انك هتخليه عمل كبيير زى سيرة شعبية .., فربنا معاك لان الحكاية مش سهلة .., انا من جوالى سنتين كده كنت كتبت مقامه شبه المقامات القديمة دى .., بس كنت بتريق فيها على حاجات موجودة دلوقتى .., وهى فعلا تعبتنى لحد مخلصت والمشكلة ان كتيير ساعتها مفهموش انا ليه جبتها باسلوب شعرى ظريف زى ما انت عامل كدة .., انا بحييك للمرة التانية على موهبتك الجميلة ., واتمنى بجد انك تعملنا عمل كبير نقراه ونستمتع بيه ..

3:21 PM  
Blogger سندباد مصري said...

جميله جدا جدا جدا يا ادم

حلوه وعاجباني

اقترح ان تنتقل الي احوال الناس

وايه حكايه الجنيه

وليه مكانش دولار ولا يورو

وتقول كمان ازاي وصل الوزير لمنصبه

تحياتي

6:47 PM  
Blogger admelmasry said...

زورك
اشكرك ع المتابعة واوعدك بالاستمرار


سندباد
بجد انا فرحان انها عجبتك .. واوعدك انك هتتبسط

5:39 AM  
Blogger بعدك على بالى said...

حأعلق بس بعد ما أقرأ الجزء التانى...


نلتقى بعد الفاصل..

بالمناسبه كنت حازعل قوى لو كنت أجلته لأيام قادمة..

4:38 AM  
Blogger admelmasry said...

وانا رايح اشوفك بعد الفاصل

6:34 AM  
Blogger Adel said...

ادم بجد انت طلعت كاينة ايه يابني الجمال ده بجد احا انت لغاية دلوقتي مدفون في البلوج بتاعك ولا حدش سمع عنك ليه ممكن كمان احا لاني متغاظ بجد انت تحفة

6:38 AM  
Blogger asad said...

hello adam

9:36 AM  
Blogger asad said...

hello adam

9:36 AM  

Post a Comment

<< Home