حكايات بني الاهبل ... العدد الثاني
ومن هنا يا قوم نقدر نقول ان البلاوي كتير الفقر ويا المرض والجهل ده داء خطير ... والناس جميعا يا ولداه ذات العقول عصافير مجرده م الفهم والخبرات
وعدم الفهم يا ولداه .... بيخلي ابن ادم ويا الحصاوي اخوات .. واديبني راح احكي عن اللي حصل .. واللي فات
اول ما نزل الوزير كما اسلفنا
تلقته النظرات .. وهو تلقي الناس من عيونه بنار .. واستر يا ساتر واستر يا ستار
اول ما شافوا الناس ان الوزير واقف .. ووراه ومن حواليه .. يبجي مليون شاويش واقف .. قالت سترك يا رب
ياريت يكون حافف
انت يارب اللي عالم وانت يا رب اللي شايف
رفــع الــوزيـر ايــــــده
قـــال لـلعـسـاكـر هـجـوم
وكـــأن اليــوم ده عيــده
بالرغـم انـه يـوم الشـوم
الضرب في الناس يزيدوا
فـرحـة وضحك وجـنــون
وكــأن النــاس عـبـيــدوا
وهــو كــــان فــرعـــون
الــدم ســـــال ع الارض
خـلــى الاراضـــي بحور
وتـــم هــتــــك العــرض
وتــــم حــــــفــر قـبــور
نـاــس تـمـوت بـالعرض
وناس تـمـوت بالـطـــول
وناس تمـوت في الفرض
ونـاس تـمــوت في طهور
إتلم الجنيـة المـشـئــوم
م الـنــــاس وبـالـعافـية
نــاس قــلـعــــت هدوم
ونــاس بـقـــــت حافية
وناس السنة بتــصــوم
ونــاس السـنـة صاحية
وناس تعيش في همـوم
ونــاس تــمـــوت تحيا
راح الــوزيــر مـيّــاس
للـمـلـك غــطــريـــــف
شـــايــل مــعــاه الماس
ويـا الدهـب والسـيـــف
غــرقــان بــدم الـنــاس
اصــل الوزير ده شريف
بـشـهــــادة الــحــــراس
طـيـب وقــلـبـه رهــيــف
شـافـــه الـمـلـك يـا قـوم
كـات عيــــنه هـتـدمــــع
كـــان فـاكـر انـه في نوم
او ان الـحـشـيـش لـعـلـع
قـــام شـــم فـصـيــن تـوم
يـمـكــن يــقـــوم يــرجــع
م الحـلـــم اللـي نفسه يدوم
اتـــاري الـحـقـيـقـة اروع
ما صـدقـشي الملك نفسه
اول مــــا شاف الـمــاس
لـكــن الــوزيــر حـســـه
فـقـالــه يــا سـيـد النـاس
كـــل الـعـبـيــد آنـســـــوا
حـتــي اســـأل الــحــراس
وده مـسـتـحـيــل يــنـسـوا
سـيـدهـم وسـيــد الـنـــاس
قال المـلـك : اه فعلا انا سيدهم
وانــــا ابــقــــي ســيـــــد الكل
انــــا اللـــي كـــايــــــــــــــدهم
انـــــا وردهـــــــم والـــــفـــــل
انــــــــا الـلـــي ســانــدهــــــم
بــــدونــــي حـــيـاتـهـــم خـــل
انــا الــلـــي حــافـــظـــهـــــــم
بــدونــــي يــجــيــلـهـــم ســـل
ردد وراه الـــوزيــــــر
مـظـبــوط كـده سـعــادتـك
مـيـن اللــي يـقـدر يــديـر
شـئــون رعــيـة جلالـتـك
ومـيــن يـفـكـــر يــصـيـر
عـشان يـنـافـس فـخامتـك
ده الـنـاس كـبـيـر وصغير
بيموتوا في ريحة عظمتك
واتفرج يا سلام .. ع اللي حاصل يا بيه آدي حال الزمان .. وآدي اللي بيجري فيه .. شلة عصابة ازاي
بتسيطر علي الاحوال
إعزف يا بوووي ع الناي .. سمعني التاريخ موال
قول للتاريخ
يسرد حكايته .. مع السنين
قول للتاريخ
يفرد بساط .. فوق ذكريات
كل السنين
عايز اسافر فيه واشوف
ازاي تكون ايام زمان
انا اصلي عاشق سندباد
وبحب اعيش .. رحالة اطوف .. في الذكريات
واعرف يا حاضر ايه اللي فات
انا اصلي عاشق سندباد
وبحب اعيش .. رحالة اطوف .. في الذكريات
ادم المصري
4/6/2006
انتظروا العدد القادم
posted by admelmasry at 10:53 AM
11 Comments:
وانا كمان
وانت كمان ايه مش فاهم ؟
بص .. هو انا سعات .. سعات ياعني بافهم
لكن المرة دي مش فاهم
اه خلاص فهمت
احيانا بعتمد منطق الصدفة فى تفسير أشياء كتيرة فى الحياة.. بس مش عارفه ليه المرة دى مقدرتش اقتنع ان اختيارك لبوست أسئلة المقارنه بين الانسان والحيوان ماكانش تمهيد طبيعى ومنطقى جدا ( من وجهه نظرى على الاقل) قبل ما تبدأ فى سرد "السيرة الشعبية" بأجزاءها.. واللى متأكدة أن لها جولات تانيه...، طبعا لأن سندباد قرر يكشف لنا عن كل زهرة عفنه فى بستان الحياة... كمل .. لازم تكمل وربنا يحميك ويحمى موهبتك من التلوث ...
كل مرة بتكشف لى عن وجه أخر متميز لك ...
اشكرك جدا يعدك علي بالي
كلام لا استطيع ان اعقب عليه
شكرا لك مرة اخري
ادم
اسف انا مش هاغلق علي البلوج بس انا عايز اتكلم عن الاتحاد
انا في رأس النتواضع وحسب فهمي البسيط الاتحاد محتاج شوية حاجات اولها مثلا تمبلات يكون شكلوه شيك ومختلف ويلفت الانتباه ثانيا الكتابة الملونه كل كام سطر بلون عاملة البلوج زي القميص الفلاحي :) وقميص مرقع كمان
مفيش اهتمام بالبانرز
بالنسبة للموضيع انا في رأي العبيط محتاج شوية تحديد للمفاهيم احنا هنا بنكتب ايه ونتفق جمبعا علي دا
ادب ولا حالات اجتماعية ولا سياسة خصوصا ان المشتركين من فطاحل التدوين :) انا مش فطحل ولا حاجة بس البلوج دا ممكن يبقي احسن بجد
جميل
حلو
مميز
مبدع
وانا كمان مش فاهم ؟؟؟؟؟؟
بس عن جد مميز
سلام
جميل
حلو
مميز
مبدع
وانا كمان مش فاهم ؟؟؟؟؟؟
بس عن جد مميز
سلام
adam .. enta fi3lan mawhoooob !!
keep up the good work
كنت عايز أنتظر الحلقة الأخيرة من حكايات بني الأهبل عشان أقول تعليق شامل
بس الظاهر اني مش هستنى
حلوة الصياغة ... أنا مش من هواة الشعر .. بس لغة الكتابة والموضوع أجبروني على القراءة ... واجبروني على انتظار العدد القادم
وفي الحلقة الأخيرة ...نبقى نتفاهم بقة في المضمون
_______
ايه بقة حكاية قوانين الاتحاد؟
طبعا انا اّخر واحد يحق له الكلام لأني ماكتبتش فيه بوست يوحد ربنا
لكن جزء من كسلي باعثه سؤال أحمد حسان
ايه هية المواضيع اللي نتكلم أو نختلف فيها لتجعل للبلوج طعما مختلفا؟
هل فيه خطة محددة ... نتكلم عن ثقافة الاختلاف (يعني مثلا أنا مختلف مع العلمانية لأسباب كثيرة ... لكن عنوان الاتحاد .. لاوطن ولادين ... لفت نظري الى انه ممكن يوجد مكان واحد يضم ناس مختلفين فكريا لكنهم اتحدوا على مبدأ احترام الاّراء ... فهمت قصدي؟)
بانتظار ردك
تحياتي
يا حبايبي طز في اي قوانين تخلينا ما نشتغلشي
طز فيا
طز في دماغي
اي حد شايف حاجة صح يعملها طالما مالهاش اي اثر سلبي علي المدونة
طبعا هييجي واحد يقولي ياعني ايه اثر سلبي اقوله زي حذف مواضيع سابقة او حذف المودونه بالكلامل زي ماحدث في الماضي وشكرا
Post a Comment
<< Home