حكايات بني الاهبل ... العدد التالت

لم يسكت ابن هشام بعد المقالِ فقال ....
وظل يسرد عن الناسِ ويحكي لنا الأحوال . لماذا وكيف صار الخسيس سلطان .. وكيف أصبح وكيف أمسى الكل ابن كلب ِ .. جبان !!!

.

.
الناس دي ياما ياما
وعلي كل لون يا بطيسطا
هتلاقي الهلالي سلامة
وتلاقي م الخسيس دسته
هتشوف ليلاتي الندامة
اما الجمال بالواسطة
شعوب و ناس غلبانه
راكبها سواق واسطي

.
عجبي عجابك يا بلد
فيكي الغريب الوان
فيكي الطيب والجدع
واللي يبان غلبان
فيكي البخيل والكريم
واللي يبان انسان
فيكي البنات الطرية
واللي تزهق شيطان

.
فيكي عجب العجاب
فيكي ناس دهنت وشوشها
فيكي ناس باعت قلوبها
وفيكي ناس تكره بلدها
وفيكي ناس تعشق ترابها
وفيكي ناس بتبيع صحابها
وفيكي ناس الفقر صابها
بتحول الدهب لتراب
فيكي عجب العجااااااب

.



هناك في القرية إياها .. الناس العادية تلقاها ..
واللي مش عادية كمان . هناك الناس اشكال والوان .. صنوف غريبة .. وعجيبة .
ماتعرف امتي وازاي وفين ؟
لقيوا بعض ، وعرفوا بعض ، وفهموا بعض ، وإتريس عليهم واحد خسيس وإسمه عندهم ( سلطان )
.

في القهوة كان قاعد
نوفل الخياط
ده اصله متواعد
مع فتحي وعنده ميعاد
راح يتكلموا في شوره
عن صابحة بنت سعاد
كان فتحي نفسه فيها
اما .. هههه للاولاد

.
نوفل ده ياخوانا
راجل .. وقلبه سليم
حاجة م الجنه
جواد وقلبه رحيم
بيحبه كل الناس
إكمن قلبه كريم
حامد وشاكر ربه
علي عيشة بالمليم

.
وفتحي ده غلبان
كان غلب الدنيا فيه
لو شوفته تقول انسان
وحمار شغل تلاقيه
عايش أديله زمان
ما يعرفش الالف م البيه
مايعرفشي غير حاضر
وعمره ما يسأل ( ليه ؟ ) عبط بقي

.

صابحه دي صغنونه
بتاعت كده عشرين
لكنها مجنونه
وأحلي من قمرين
البنت معجونة
بمية الشياطين
تعفرت الجته
وتكركب المصارين

ادم المصري

اول دكتور احة

انتظروا العدد القادم