لم يحن الوقت بعد

في البداية احب اقول ان المودنه دي لما عملتها اول مرة كان فيه تجربة وكان فيه سبب .. وانا اتهمت ساعتها اني بتاع بنات .. الوضع ان كان احمد بتاع خيال الظل شتم قوي في داليا فؤاد اللي هيا صوت الحب .. طبعا هي ما استحملتشي وقفلت مدونتها وهربت بنفس اللفظ .. انا ما كنتش بدافع عن داليا او بحاول اكسب عندها بنط ولا حاجة بدليل انها مش بتيجي عندي في المدونه كتير ولا انا بذورها كتير حتي لما رجعت عرفت متاخر جدا وبالصدفة ... لكن اللي كنت بدافع عنه هو وجود حق لكل مدون انه يعبر عن نفسة بالطريقة اللي ترضية وفي نفس الوقت ما تزعلشي غيره ..طبعا اختفاء مدون دي حاجة كانت مسببالي احباط ... ياعني ايه بعد ما يكتب ونتعرف عليه نلاقيه اختفي لمجرد ان فيه حد قاله كلام قبيح ( والله ما يتقال في غرزة ) حاولت اوصلها لكن ما فيش ايميل .. كان حلمي وقتها انه يبقي فيه ارشيف يضم اخبار المدونين .. اسمائهم ايميلاتهم عنواوينهم اذا لزم الامر تليفوناتهم كمان .. ناس كتييييييييير اتحمست للفكرة .. وما كانش فيه نظام ولا طريقة للكتابه ولا حاجة كل يوم كنت بلاقي جديد .. كل يوم فيه واحد بيكتب . كل يوم فيه واحد باتعرف عليه .. لكن ذات يوم اخبر ما طلعتشي عليه شمس .. دخلت علي المدونة لقيتها محذوفة .. اه والله وما اعرفشي مين .. بما اني مندفع طبعا شكيت بنية سيئة .. ممكن يكون غلطة غير مقصوده من واحد لكن ادي اللي حصل .. لما عملتها تاني .. ناس كتير ما حبتشي تنضم تاني زي الاول .. ناس تانية ما تعرفشي الفكرة اصلا جات .. ابتدت تظهر المشاكل

نكتب ايه؟

نقول ايه؟

ما احنا بنقول اصلا؟

لسه هنقول تاني ؟

وانا ياما كتبت مقالات تقول للناس يا ناس اختلفوا داخل المدونة وهذا المطلوب .. قولوا ما تشاؤون طبعا المدونة ذهبت في طريق غير اللي كنت بحلم بيه .. لكن ادي اللي حصل

دلوقتي دعوة الي كل اعضاء الاتحاد ... انتم جميعا تم اختياركم بمحض ارادتكم .. من يريد ان ينفصل .. فسوف ابكي عليه بمرارة .. ومن يريد ان يستمر فهو فعلا ذو همة عظيمة واحيه علي المساعده .. لكم الخيار اذن

اختلفو

اكتبو ما تروه الصواب

كل من وجهة نظره

قديما وعلي اوراق صحيفة واحده كان يتعارك العقاد وطه حسين والمفكرين جميعهم .. ولم يطلب القراء ذات يوم ان ينفصل العقاد في جريده او طه حسين في جريده .. عندما تقترب مساحه الاختلاف .. يسهل علي الانسان مقارنه وجهات النظر والاختيار بين المطروح

اريد ان اري منك ما يشجع

اريد ان اري ناس تفكر

اريد ان اري ناس تبدع .. اختلفو واتفقوا

لكن دعونا ان نحول ما نحلم به الي واقع .. اخترت الاسم لا وطن ولا دين لاني احلم ان تكون هذه المدونه عالمية .. غير مصنفة بوطن معين .. او انها تدافع عن دين معين نسبة لعقيده اعضائها بالعكس كنت اريد الاختلاف .. الاختلاف ثم الاختلاف